महाराष्ट्र शासन, शालेय शिक्षण व क्रीडा विभाग
राज्य शैक्षणिक संशोधन व प्रशिक्षण परिषद, महाराष्ट्र
आज जागतिक स्तरावर प्रदूषण यामुळे वातावरणामध्ये होणारे बदल व त्यामुळे जीव सृष्टीवर होणारे परिणाम हा ही एक गंभीर विषय आहे. याचाच परिणाम म्हणजे जागतिक तापमान वाढ,बदलणारे ऋतुचक्र ,ऱ्हास होत चाललेली जैवविविधता यासारख्या अनेक समस्यांना आपण तोंड देत आहोत. आपले विद्यार्थी हे आपले भावी नागरिक आहेत . त्यांना या सर्व समस्यांना सामोरे जावे लागणार आहे. यादृष्टीने जागतिक वातावरण बदल (Climate Change) या अत्यंत महत्वाच्या विषयाकडे आपले विद्यार्थी,शिक्षक व पर्यायाने पालक या सर्वांचे लक्ष वेधले जाणे आवश्यक आहे.
विद्यार्थ्यांमध्ये वातावरणाविषयी जाणीव जागृती निर्माण व्हावी व World Speech Day च्या अनुषंगाने विद्यार्थ्यांची भाषण / वक्तृत्व कला विकसित होण्यासाठी व राज्य पातळीवरील व्यासपीठ विद्यार्थ्यांना उपलब्ध व्हावे याकरिता “वातावरण बदल ” (Climate Change) या विषयावर आधारित इ.५ वी ते १० वी च्या विद्यार्थ्यांचे वक्तृत्व / भाषणाचे व्हिडिओ राज्य शैक्षणिक संशोधन व प्रशिक्षण परिषद,महाराष्ट्र,पुणे यांचेकडून मागविण्यात येत आहेत.
सदर उपक्रमात भाग घेण्यासाठी खालील सूचनांचे पालन करण्यात यावे.
तरी आपल्या कार्यक्षेत्रातील सर्व व्यवस्थापनाच्या, सर्व माध्यमांच्या शाळांमधील इ.५ वी ते १० वी मध्ये शिकत असलेल्या विद्यार्थ्यांपर्यंत सदर माहिती पोहोचविण्यात यावी.जेणेकरून अधिकाधिक विद्यार्थी सदर उपक्रमामध्ये सहभाग घेवू शकतील.